Хондурас денеска прогласи вонредна состојба, откако властите соопштија дека бројот на заразените со вирусот зика достигнал алармантно ниво.
Од првиот случај на 16 декември, вирусот е регистриран кај уште 3.649 луѓе, изјави министерот за здравство Јолани Батрес и додаде дека бројот на заразените со вирусот тројно се зголеми изминатите три дена.
Батрес не спомна ниту еден случај на новороденче родено со микроцефалија, односно абнормално мала глава.
– Бројот на заразените алармантно расте секој ден – изјави Батрес.
Вирусот зика предизвикува симптови слични на грип и осип и е мошне благ, така што останува незабележан во 70 до 80 отсто од случаите.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
