Штербик: Далеку бевме од освојување на златниот медал

Ветеранот на голот на шпанската ракометна репрезентација, Арпад Штербик, кој е член на македонскиот клуб Вардар, нормално, беше разочаран по убедливиот пораз (24-17) во финалето на Европското првенство во Полска. Германија едноставно не и даде никаква шанса на „црвената фурија“ да се надева на златото, а тоа го потенцираше и самиот Штербик.

– Не бевме ни блиску за да се бориме за златото. Уште од самиот старт Германците наметнаа свое темпо и поведоа, а ние не можевме да ги следиме. И не беше тоа прашање на тактика или на умор, туку на проблеми во нашите глави. Направивме премногу грешки, и тоа Германија знаеше да го искористи – изјави Штербик по поразот во финалниот натпревар.

Третото место на шампионатот го освои селекцијата на Хрватска.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.