Владата до моментов редовно ги сервисира долговите за поврат на ДДВ, а во иднина нема да има негово заостанување, тој редовно ќе се исплаќа, порача вицепремиерот и министер за финансии Зоран Ставрески. Во однос на системски мерки со кои ќе се спречи ново доцнење на повратот кон стопанството, Ставрески вели дека во рамките на тие мерки се направени неколку промени во трезорскиот систем и во упатството за трезорско работење на буџетските корисници, со цел тие да не можат да здобиваат обврски ако немаат доволно средства во нивниот буџет.
– На тој начин системски го превенираме натамошното појавување обврски кои нема да бидат буџетски обезбедени – заклучи Ставрески.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
