На бензинска пумпа во Демир Капија пронајдени мигранти, возачот побегнал

На автопатот ГевгелијаСкопје, кај бензинската пумпа во Демир Капија, вчера во еден часот по полноќ полицијата во патничко моторно возило „Мазда 323“ открила осум илегални мигранти од Иран.
Како што соопшти денеска МВР, полициски службеници се обиделе да ја сопрат „Маздата 323“, но возилото не застанало. Тргнале по него и на околу 500 метри од местото на запирање го пронашле возилото, а возачот успеал да избега. Од извршениот преглед на возилото биле откриени осум илегални мигранти од Иран.
Се преземаат мерки за пронаоѓање на возачот и за целосно расчистување на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.