Прва ТВ серија на Вуди Ален кој сигурно ќе сакате да ја гледате

На задоволство на филмофилите, славниот американски режисер, Вуди Ален, за прв пат во кариерата ќе им се посвети на малите керани.

Вуди ќе снима серија за Амазон, а главната улога во таа серија ќе и припадне на поп ѕвездата Мајли Сајрус.

Младата пејачката преку Инстаграм ги извести обожавателите за овој нов проект. Таа на својот профил споделила фотографија од портрет на Ален и напишала:„Максимално сум возбудена што ќе глумам во првата серија на Вуди Ален“.

Како што пренесува агенцијата Ројтерс, некогашната ѕвезда на Дизни во серијата чие дејство е сместено во 1960 година ќе глуми заедно со Вуди Ален.

Снимањето на серијата почнува во март, а нејзино прикажување се очекува кон крајот на оваа година. Серијата чиј назив се уште не е познат ќе има пет епизоди од половина час.

-Не знам како се најдов во се ова. Немам идеја и не сум сигурен од каде да почнам – изјавил режисерот веднаш по потпишување на договорот со Амазон.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.