Мостот кај делчевско Тработивиште кој води за село Разловци е забранет за сообраќај за товарни и полутоварни возила.
Од „Македонија пат“, Подружница Делчево, информираат дека поради опасност од рушење на мостот е забрането поминување на тешки возила, освен на автомобили.
Пред мостот се поставени и сообраќајни знаци, па од „Македонија пат“ потенцираат да се почитува забраната и знаците да не се отстрануваат.
Инаку, овој мост попушти лани за време на поплавите. За негова санација е изработен проект, но се уште не се знае кога ќе почне санацијата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
