Во текот на вчерашниот ден шест лица се повредени откако избувнал пожар во нивните домови.
Околу 17,45 часот во Тетово на ул.„Полог“, од засега непознати причини избувнал пожар на третиот кат од куќата сопственост на Џ.Ц.(62), при што три лица поради вдишување на чад се пренесени во Клиничкиот центар во Тетово.
Од страна на екипа на тетовската противпожарна бригада пожарот е локализиран. Увид ќе се врши во текот на денешниот ден.
Околу 20,00 часот во Скопје, пак, на ул.„Брсјачка Буна“, настанал пожар во куќата сопственост на А.Р. и во куќа сопственост на Р.С.
Во пожарот повредени се лицата Ш.Е., Р.С. и Р.А., кои се пренесени во Градската општа болница „Св.Наум Охридски“, за укажување на лекарска помош.
Пожарот е локализиран од страна на екипа на ТППЕ-Скопје.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
