Оклахома тандерс го обезбеди првото место во западната конференција од НБА со 60. победа сезонава, овојпат против Сакраменто со 104-95. Денвер во фото-финиш беше подобар од Милвоки со 112-111 и сигурно ќе тргне во плејофот од третата позиција, што гарантира предност на домашен терен. Мајами знае да победува и без ол-стар триото Џејмс, Вејд и Бош, а „резервите“ на Хит го совладаа Кливленд со 96-95
Тројцата имаат ситни проблеми со повреди, па тренерот одлучи да ги одмори, бидејќи Мајами е сигурно прв на Истокот.
Рашар Луис беше најефикасен во отсуствот на ѕвездите на Мајами кои во просек заедно даваат по 83,7 поени. Луис ја презеде одговорноста и со 19 поени го предводеше актуелниот шампион до нов триумф. Норис Кол уфрли 16, Џејмс Џонс забележа 14 поени, а Реј Ален, Џоел Ентони и Мајк Милер по 11 поени.
Оклахома го продолжува својот терор на Западот, а до јубилејната 60-та победа во сезоната стигна со триумфот над Сакраменто од 104-95. Централна фигура беше Кевин Дурант со 29 поени, седум скока и осум асистенции, додека Расел Вестбрук уфрли 21 поен.
Екипата на Њујорк обезбеди второ место на Истокот пред плеј-офот, па сега може мирно да ги одмара своите најдобри кошаркари. На дуелот против Шарлот загубија со 95-106, а во тимот не беше Кармело Ентони, првиот стрелец во НБА.
Регуларниот дел од сезоната завршува за два дена.
Резултати: Шарлот – Њујорк 106-95, Орландо – Чикаго 84-102, Кливленд – Мајами 95-96, Бруклин – Вашингтон 106-101, Детроит – Филаделфија 109-101, Милвоки – Денвер 111-112, Далас – Мемфис 97-103, Оклахома – Сакраменто 104-95, Минесота – Јута 80-96, Феникс – Хјустон 119-112, Голден Стејт – Сан Антонио 116-106.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
