Херојот на македонската репрезентација Дејан Манасков не го криеше задоволството од ремито со Србија и пласманот на Македонија во следната фаза од натпреварите на Европското првенство во Полска.
„Секако сум пресреќен што успеавме да избориме пласман во следната фаза. Некако ми е мило што успеав да ја донесам радоста за Македонија затоа што секогаш како среќата да не ме сакаше на овие големи натпреварувања. Голем товар за мене беше она промашување за победа за мене пред неколку години на првенството во Србија, а сега Господ ми го врати тоа носејќи ме до гол за голем успех“ – рече Манасков веднаш по мечот, дополнувајќи дека за него сепак е поголемо задоволство успехот на Македонија отколку неговиот ефехт.
„Постигнав 10 гола, го постигнав одлучувачкиот гол, но за мене е многу поважно што Македонија успеа. Тоа е најважно, сега мора да се концентрираме многу повеќе на следните три натпревари кои не очекуваат во втората фаза“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
