Адеми: 24 април 2016 година ќе биде важен ден за Македонија

Министерот за образование Абдулаким Адеми на социјалните мрежи напиша дека е многу веројатно дека изборите во Македонија ќе се одржат во предвидениот термин.

– 24 април, сепак, ќе биде важен ден за Македонија- напиша Адеми на „Фејсбук“.

Со тоа тој ги подгреа шпекулациите што доаѓаат од неговата партија дека сѐ уште не треба да се губи надеж дека изборите ќе се одржат на 24 април.

Згора на тоа, ДУИ денеска соопшти дека ја прифаќа предложената и подготвената Методологија од страна на Државната изборна комисија за прочистување на Избирачкиот список.

– ДУИ го презема овој чекор со цел да се надминат сите можни пречки за изборниот процес и ги повикува сите страни да го дадат нивниот придонес за да се заклучи овој важен процес за земјата. ДУИ ја запозна ДИК за оваа одлука и се надева дека партиите ќе ги стават државните интереси пред партиските – велат од партијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.