Вистински раскол на Бихаќка по вчерашното фијаско на Зоран Заев во преговорите за целосна реализација на Договорот од Пржино, пишува порталот „Прес24“.
Според порталот, партиски извори потврдуваат дека дел од раководството, но и истакнати функционери на партијата кои порано раководеле со неа, остро реагирале на однесувањето на Зоран Заев.
– Поради неговата погрешна и неодлучна политика партијата сега е во комплетна меѓународна изолација. Од многуте ветувања добивме ситуација по која веќе нема да можеме да влеземе во ниту една странска амбасада. Веќе не е ни важно кога ќе се одржат изборите бидејќи по ова вчера, на сите во партијата им е јасно каков ќе биде исходот – вели висок партиски функционер кој инсистира на анонимност.
Истиот функционер вели дека членството е дополнително демотивирано и дека се очекува поразот на изборите за да може Заев да си замине од партијата и да и остави простор да се реструктуира и да почне од почеток.
Лидерот на СДСМ вчера се загубил на преговорите во Пржино. Учесници во преговорите велат дека делувал многу чудно и дека во неколку наврати меѓународниот фактор морал да му се обраќа со висок тон и недипломатски речник за да го врати во реалноста.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
