„Повратник“ на Алехандро Гонсалес Инариту е филм на годината според холивудското Здружение на странски новинари, како и филм со најдобра режија на синоќешните 73. по ред филмски награди „Златни глобуси“. Златна статуетка за главната улога во филмот понесе Леонардо ди Каприо.
За мјузикл или комедија награден беше „Марсовецот“ на Ридли Скот, а Мет Дејмон го доби признанието за актер во оваа категорија.
За најдобро претставување во драма Златен глобус доби Бри Ларсон, а во категоријата мјузикл или комедија очекувано доминираше Џенифер Лоренс, која доби признание за улогата во филмот „Џој“, инспириран од вистинска приказна, со кој се продолжува силната кампања на женското холивудското лоби за еднакви плати меѓу актерите и жените во САД воопшто.
Најдобра серија во категоријата драма доби новиот хит „Г. Робот“, за која награда за спореда улога доби и Кристијан Слејтер. Статуетка доби и Џон Хем, најмногу поради тоа што за последен пат е номиниран за серијата „Луѓето од Менхетен“.
Очекувано, за најдобар анимиран филм е прогласен „Опаку наопаку“, а Сем Смит доби признание за „Writings on the wall“, носечката нумера на последниот филм за Џејмс Бонд.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
