Годинава ќе се градат шест регионални патишта, инвестиција од 46 милиони евра

-Шест регионални патишта ќе се градат во 2016 година, а инвестицијата изнесува 46 милиони евра. Регионалните патишта се во должина од 85 километри- изјави денеска премиерот Никола Груевски.

-46 милиони евра во една година за регионални патишта навистина е сериозна инвестиција. На многу граѓани ќе им биде од голема полза- рече Груевски.

Годинава ќе се градат регионалните патишта КочаниДелчево, Пробиштип Пониква, Тораница Саса, патот меѓу мало и големо Коњарево, патот Извор Бошков мост (Кичево Дебар) и приклучокот кон Вевчани. Груевски потсети дека покрај регионалните патишта, оваа година ќе се работи и на петте експресни патишта и на трите автопатишта, како и на поголемиот број на локални патишта коишто се градат.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.