Норвешка, Шведска, Австрија, Германија и Франција ги вратија граничните проверки во рамки на Шенген зоната, а од денеска тоа ќе го прави и Данска, на прес конференција соопшти портпаролот на Европската комисија, Тове Ернст.
Таа појасни дека првите пет посочени држави неодамна на ЕК и ги соопштиле своите намери и причини за ваквата постапка. Комисијата засега нема потреба од дополнителни информации од нив за ова прашање. ЕК денеска го добила писмото од Копенхаген и сега и претстои оценка на ставот.
Ернст прецизира дека Данска има намера да врши проверки на границата до 14 јануари. Европското законодавство предвидува неколку можности за обновување на граничната контрола во Шенген при предвидливи или вонредни околности. Во секој случај на обновување на контролата на границите, ЕК треба да биде информирана и има право да процени дали оваа мерка е неопходна и соодветна.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
