Стари се четири илјади години и денеска се сочувани во изворен облик, толку благотворни што сеуште немаат конкуренција, пет пози или Пет Тибетанци се вежбите кои би морале да ги воведете во својот животен стил и ритам. Не само што истегнуваат, го креваат енергетското ниво, ги стимулираат жлездите со внатрешно лачење во сите седум чакри, туку и го јакнат имунитетот и ни малку не се комплицирани. За почеток за цела серија ќе ви требаат само три минути, а подоцна најмногу 16.
1. Застанете исправено со рацете испружени настрана. Прстите држете ги заедно, дланките отворени и свртени надолу, а стапалата се рамни со рамената. Свртете цел круг во насока на стрелките на часовникот. Додека се вртите длабоко вдушувајте и издишувајте. Едно вртење е едно повторување. Доколку почувствувате мачнина, а во почетокот ќе чувствувате, кога ќе ги завршите сите свртувања застанете со испружени дланки и фокусирајте се на поврзаните палци додека не помине непријатноста.
2. Легнете на грб на рамна тврда подлога. Испружете ги нозете, рацете покрај телото со дланките свртени кон подот. Вдишете низ носот, кренете ги нозете (малку повеќе од 90 степени) и поткренете ја главата така што колку што можете повеќе да се доближите на градите. Полека со испуштање на здивот спуштете ја главата и нозете.
3. Клекнете со исправени стапала потпрени на прсти. Колената нека бидат малку раздвоени, а карлицата во линија со грбот. Рацете ставете ги на задницата, а брадата спуштете ја кон градите. Со испуштање на воздухот исфрлете ја главата колку што можете повеќе назад. Задржете го за кратко здивот а потоа со издишување вратете се во почетната положба.
4. Седнете со испружени нозе. Дланките ставете ги на подлогата во ширина на колковите, а карлицата исправена, главата ставена на гради. Вдишете, поткренете ги колковите и свиткајте ги колената, главата спуштете ја кон подот така што ќе формирате мост. На кратко задржете се во таа положба а потоа со издишување втарете се во почетната седечка положба.
5. Почнете ја оваа вежба така што го придржувате телото на испружените раце, дланки и стапалата потпрени на подот.. Главата ви е назад. Со испружени раце и нозе вдишувајќи поткренете ги колковите, а главата положете ја гради за да заземете положба на триаголник. Со издишување вратете се во почетна положба. Освен дланките и стапалата за време на изведувањето на оваа вежба телото не смее да се спушти на подот.
Правило кое треба да се следи:
Најдобро е да се прават вежбите наутро, околу половина ќчас по станувањето и пред појадокот. Првите седум дена правете по три повторувања од секоја поза, а потоа следните недели по четири, пет, шест се додека не дојдете до бројот 21. Тоа е бројот на повторувања кои треба да ги почитувате колку долго и да ги правите овие вежби.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
