Францускиот фудбалер, Хатем Бен Арфа, е на листата на желби на неколку големи европски клубови, но најжестока ќе биде борбата за него меѓу градските ривали Милан и Интер, пренесуваат италијанските медиуми.
28-годишниот крилен фудбалер игра фантастично оваа сезона, го привлече интересот на гигантите и неговиот тим Ница се соочува со тоа да го загуби веќе во зимскиот преоден рок. Сепак, тимовите од Милано треба да внимаваат, бидејќи интерес за Бен Арфа постои и од Реал Мадрид, кој во него гледа како идеална замена за Иско. Шпанецот е незадоволен од минутажата и најави дека сака да го напушти „Сантијаго Бернабеу“ оваа зима.
По неуспешната епизода на Бен Арфа во Премиер-лигата, тој минатиот јануари се врати во Франција, и досега за Ница настапи на 14 натпревари постигнувајќи седум погодоци.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
