Американски специјални единици го уапсија вчера во ирачката провинција Киркук, Абу Омар аш Шишани, командант на џихадистичката група Исламска држава (ИД).
Освен него биле уапсени уште две лица, кои имале висока функција во ИД, а во операцијата се убиени седуммина припадници на групата. Тројцата уапсени екстремисти се пренесени во градот Сулајманија во североисточниот дел на Ирак.
Претходно медиумите објавуваа дека Аш Шишани е убиен, но информацијата не беше потврдена.
Околу 100 војници на американските специјални сили беа распоредени во Ирак на 21 декември за извршување на операции, претходно договорени со ирачките власти.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
