Предвидувањата на ЦИА за 2015 година: Што погодија, што погрешија стручњаците пред 15 години?

5910_vest_cia Стручњаци што пред 15 години биле ангажирани од ЦИА да предвидат каква ќе биде 2015 година погодиле дека ќе дојде до експанзија на дигиталната и на мобилната технологија, но погрешиле дека Русија ќе ослаби и дека ќе почине Фидел Кастро, објави британски „Телеграф“.

Нивните предвидувања се забележани во извештај од 70 страници каде што е опфатено од подемот на нанотехнологијата до падот на цената на нафтата, демографските промени на светско ниво и судбината на светската економија.

Стручњаците на ЦИА точно предвиделе експанзија на дигиталната и на мобилната технологија.

– Универзалната безжична мобилна комуникација ќе направи најголема глобална трансформација уште од индустриската револуција, е еден од заклучоците на стручњаците. Тие предвиделе дека ИТ револуцијата ќе има и политички последици, а вистински пример е интернет-опозицијата на авторитарните режими на Блискиот Исток, односно движењето Арапска пролет.

Отворени се и некои нови патишта на судири на нациите, но не на отворени боишта, туку во дигитална верзија. Пример за тоа се кибернетските нападите од страна на Кина и на Русија на САД, како и американското користиње на вирусот Stuxnet за саботажа на иранската нуклеарна програма.

Стручњаците на ЦИА предвиделе биотехнолошки бум, а тоа само делумно го погодија.

Тие биле оптимисти за придонесот на биотехнологијата, па предвиделе зачестено профилирање лични гени и трансплантација на вештачки органи. Предвиделе и клонирање на животно поради производство на месо, но предупредиле и за терористите и за тоа дека тие би можеле да произведат нови опасни вируси и бактерии.

Стручњаците сметале дека многу богатите луѓе со помош на биотехнологијата ќе можат уште подолго да живеат. Биле во право што се однесува до генетски модификуваните земјоделски култури што ќе се прошират глобално.

Прогнозирале и дека Русија ќе ослаби, но рускиот претседател Владимир Путин изгради мрежа на влијание од Грција до Сирија, наведува британскиот весник.

Место предвидените 2.500 нуклеарни боеви глави, Русија во моментот има преку 8.000.

Погрешија во врска со соединувањето на двете Кореи, како и за смртта на Фидел Кастро.

Делумно погодија во врска со светската популација. Во извештајот се наведува дека ќе порасне на повеќе од седум милијарди луѓе и дека порастот ќе биде забавен дури и во опаѓање во Русија и во источна Европа. Во Русија денес има помалку жители од пред 15 години, сепак ЦИА погреши за Африка, место да опаѓа и покрај епидемијата на сида, популацијата во супсахарските земји е во пораст.

Точно предвиделе дека стареењето на популацијата во развиените земји на Западот ќе предизвика бавна криза од падот на односите меѓу работник и пензионер, до увозот на работна сила и проблемите со миграцијата на луѓето.

Стручњаците на ЦИА предупредиле и на терористички напади, а предвидувањата се исполнија – најдраматичниот беше во Париз на 13 ноември 2015 година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.