Зголемен персонал на ФРОНТЕКС на грчката граница

Европската агенција за управување со надворешните граници (ФРОНТЕКС) до крајот на месецот ќе го зголеми присуството во Грција, откако двете страни се согласија за неопходноста за поголема операција за справување со мигрантите.

Во соопштението од ФРОНТЕКС се наведува дека операцијата „Poseidon Rapid Intervention“ ќе почне на 28 декември, при што е предвидено распоредување на 376 офицери и преведувачи, како и експерти за испитување, истрага, земање на отпечатоци од прсти и подготвување на документи.

Персоналот на ФРОНТЕКС ќе биде од различни земји-членки на Европската унија.

Во 2015 година повеќе од 991.000 бегалци и мигранти пристигнаа во Европа по копнен и морски пат, а до крајот на годинава се очекува нивниот број да се искачи до еден милион.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.