Откако беше спречен да ја продолжи низата на победи во претходното коло од Милвоки, актуелниот шампион продолжи со победите овојпат над Феникс на домашен паркет од 128-103. Со оваа победа Голден Стејт се очекува да започне нова низа која можеби на крајот од сезоната ќе го достигне и рекордот на Чикаго Булс од 1996 година кога оствари импресивни 72 победи и само 10 порази.
Клеј Томсон одигра фантастичен натпревар постигнувајќи 27 поени во третиот период од вкупно 43 за него на овој натпревар. Дрејмонд Грин стигна до трипл-дабл со 16 поени, 11 скока и 10 асистенции, додека најдобриот кошаркар на Вориорс Стеф Кари реализираше 25 поени.
Сан Антонио стигна на 23-тата победа по ред на домашен терен и постигна рекорд на тимот. Спарс го совлада тимот на Вашингтон со 114-95. Кави Леонард беше најдобар со 27 поени, додека Ламаркус Олдриџ броеше до 14 поени. ЛА Клиперс дојде до третата победа по ред со 103-90 против Милвоки, додека Бостон селтикс претрпеа пораз од 119-116 од Детроит пистонс и покрај одличната игра на Ајзеја Томас со 38 поени.
НБА резултати:
Индијана – Далас 107-81, Орландо – Шарлот 113-98, Бруклин – Мајами 98-104, Детроит – Бостон 119-116, Њујорк – Минесота 107-102, Атланта – Филаделфија 127-106, Чикаго – Мемфис 98-85, Оклахома – Портланд 106-90, Сан Антонио – Вашингтон 114-95, Јута – Њу Орлеанс 94-104, Голден Стејт – Феникс 128-103, ЛА Клиперс – Милвоки 103-90.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
