Холандската полиција вчера отвори предупредувачки оган со цел да растера поголема група демонстранти, кои се незадоволни од плановите за прифаќање емигранти во градот Гелдермалсен.
-Досега извршивме голем број апсења, сѐ уште не се знае точниот број – соопшти локалната полиција. Засега нема информација дека има сериозно повредени лица во немирите.
На фотографии и видеоснимки од инцидентот може да се забележи како десетици млади луѓе фрлаат шишиња и запаливи направи кон полицијата, скандирајќи против проектот за отворање центар за 1.500 баратели на азил. Во протестот учествувале околу 2.000 лица.
Истовремено во градското собрание се одржувала седница во врска со ова прашање, која требало да биде прекината, а учесниците евакуирани.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
