Синоќа во Софија, во салата „Арена Армеец“, се случи долго очекуваниот концерт на Енрике Инглезиас, како дел од неговата светска турнеја „SEX and LOVE“.
Енрике пристигна во Софија непосредно пред почетокот на шоуто во сала „Арена Армеец“, а едвај еден час пред слетувањето на авионот, беше соопштено кога точно пејачот ќе пристигне во Софија.
Латино американската ѕвезда задоцни повеќе од два часа за почетокот на неговиот втор концерт во бугарската престолнина, со што предизвика бучни свирежи. Но, сепак, кога се појави на сцената публиката ја проголта навредата и гласно го поздрави.
По два часа доцнење, кога тој се појави на сцената и ја исправи салата на нозе уште на самиот почеток, и се обрати на публиката на бугарски јазик: „Жал ми е што задоцнив“.
Причината за тоа е дека на ѕвездата ѝ била укажана медицинска помош, поради расцепена веѓа. Се претпоставува дека Енрике е повреден во Португалија, каде претходниот ден одржа концерт.
За прв пат во „Арена Армеец“ имаше алтернативна сцена, благодарение на која гледачите во оддалечениот крај на салата успеаја да го видат својот миленик одблизу.
Подготовката на сцената и инсталирањето на целата аудио-визуелна опрема заедно со осветлувањето и се што е потребно за изведувачки ефекти, траеле 36 часа.
Мислењата на публиката за концертот на ѕвездата се поделени.
Според некои големото доцнење, беше единствениот минус на оваа вечер, во која ѕвездата направи шоу како по учебник, создавајќи одличен контакт со публиката. Цело време неуморно трчаше по сцената, покажувајќи совршена физичка форма.
Тие, пак, кои го познаваат повеќе, ја познаваат неговата креативност и неговите настапи, сметаат дека неговиот настап бил малодушен. Фановите, кои ги посетувале неговите концерти во Париз и во Барселона, споделија разочарување со зборовите:
– Бидејќи ова е Бугарија тој знае дека луѓето ќе бидат задоволни и од минимумот, си дозволи да не е во кондиција и да направи просечно шоу. Во Париз се претстави блескаво, пееше, танцуваше и вриеше од енергија.
– Го гледавме истиот концерт во Барселона, ништо заедничко. Тука дури не успеавме да сфатиме кога излегол на сцената. А таму целосно се раздаде уште од самиот почеток на концертот. Многу, многу лошо.
– Голем срам на концертот на Енрике Иглесијас, два часа задоцнување, се надувал и не можеше да испее една песна – изјави негова разочарана обожавателка.
Сепак, салата беше преполна, а стотици обожаватели што сакаа да присуствуваат на концертот, не успеаа да купат карти. Поради огромниот интерес за Енрике, пред неколку дена организаторите најавија и негов втор концерт во соседна Бугарија, на 14 мај 2016 година.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
