Пејачот ја покажа својата емотивна страна и ги растажи обожавателите.
Кучето на популарниот пејач Владо Георгиев пред неколку дена се изгубило во белградската населба Сењак. Владо веднаш ја споделил оваа информација на „Твитер“ и ги алармирал пријателите со цел да му помогнат побрзо да го најде миленикот.
Владо на социјалната мрежа прво ја објави пораката дека пред неколку часа му се изгубило кучето, појаснувајќи дека станува збор за женка лабрадор ретривер, по има Тиа.
Подоцна Владо мошне емотивно ја искажал својата тага поради несреќата ситуација која му се случила.
-Не знам дали ми е потешко тоа што Тиа сѐ уште не ја најдовме или што Боле цвили и буквално плаче – напишал Георгиев.
Меѓутоа, оваа приказна вчера вечер доби среќен крај. Една госпоѓа ја пронашла Тиа и му ја вратила на нејзиниот сопственик, кој преку „Твитер“ им се заблагодари и на неа и на сите што му помогнале да го пронајде својот миленик.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
