Грчката влада ниту ги демантира ниту ги потврдува шпекулациите во медиумите за понудените предлози за решение на посредникот Метју Нимиц на последната средба во Њујорк. Ова го соопшти портпаролот на грчкото МНР, Грегори Делавекурас, како одговор на прашањето на дописничката на „Канал 5“ за ставот на грчката влада географската одредница да биде пред името Македонија, а не пред Република.
– Да расчистиме веднаш, затоа што по секој брифинг медиумите почнуваат да пишуваат за разни имиња. Нути демантирам ниту потврдувам или коментирам за овие теми. Покрај тоа, јасно е дека географската одредница одредува географски регион, и, како што рековме, ние треба да постигнеме решение кое нема да биде погрешно интерпретирано – изјавил Делавекурас на денешниот брифинг.
Грчкиот преговарач Василакис денеска се враќа во Атина, каде што ќе го извести Министерството за последните разговори и предлози на Нимиц.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Расистички скандал во Грција: Коментатор нарече црномурест играч „мајмун“
-
Нова демократија: Владата се наоѓа во распаѓање поради Договорот од Преспа
-
Воружен инцидент на границата со Грција: Војници на АРМ отвориле оган во обид да спречат поголема група мигранти да влезат на македонска територија!
-
УНХЦР: Расте бројот на мигранти и бегалци кои од Турција доаѓаат во Грција
