Во интервју за весникот ‘Слободен печат‘ долгогодишниот политичар на македонската политичка сцена Стојан Андов, го посочува Зоран Заев и моменталното раководство на СДСМ како политичка копија на СДСМ на Црвенковски од 90 те години на минатиот век.
Андов истакна дека ,,СДСМ исто така е многу затворен за сугестии и луѓето околу Заев се единствените што одлучуваат. Грешка на сегашното раководство на СДСМ е и тоа што не се дистанцираа од системот на владеење на нивната партија од 90-тите, а во сеќавањето на народот не е избришан тој период кога немаше владеење на правото.”
Инаку ова не е прв пат некој да констатира дека Заев е копија на Црвенковски и подржувач на неговите методи на владење, но овој пат доаѓа од близок коалиционен партнер.
Во македонската историја 90 тите години од минатиот век ќе остане запаметено по грубото раскрчмување на општествениот капитал, кој го присвоија дотогашните директори на државните фабрики, блиски до Бранко Црвенковски. Станувајќи капиталисти преку ноќ, од работа отпуштија над 200.000 работници, како би можеле да го максимизираат својот профит оставајќи го народот без леб, а за нив купија вили и јахти по монденските летувалишта, пишува порталот Денешен.
На крајот од интервјуто, Андов кокетира со федерализацијата, одговарајќи дека односите со Албанците треба да се решаваат со поголема децентрализација.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
