Кремљ: Проширувањето на НАТО на исток ќе доведе до соодветни реакции на Русија

Портпаролот на Кремљ, Дмитриј Песков изјави денеска дека продолжувањето на проширувањето на НАТО, кој ја покани денеска Црна Гора да стане членка, ќе доведе до соодветни реакции на Русија, јави ТАСС.

– Москва отсекогаш нагласувала дека континуираната експанзија на воената инфраструктура на НАТО на исток секако не може да не доведе до соодветни дејствија од руска страна за гарантирање на безбедноста и одржување на паритетот на интересите, истакна Песков.

Тој нагласи дека се уште е рано да се говори за конкретни соодветни мерки од страна на Русија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.