Европската комисија денеска соопшти дека нема земја од ЕУ што пријавила дека фирми под нејзина контрола купуваат нафта од ИД. Така портпаролот на комисијата одговори на прашањето дали институцијата врши проверка во оваа насока на барање на Европскиот парламент. Проверката беше наметната по доставени податоци од претставник на ЕУ во Ирак.
Досега ЕК не добила докази дека економски оператори го нарушуваат режимот на санкции против Ал Каеда, изјави портпаролот на комисијата.
Портпаролот прецизира дека режимот на санкции против Ал Каеда ја опфаќа и ИД. Комисијата денеска потврди дека добила писмо со приговори против продолжувањето на гасоводот „Северен тек“. Портпаролот на институцијата одби да посочи кои се земјите потписнички на писмото, како и нивниот број. Ќе одговориме, како на секое друго добиено писмо. Нашата позиција за „Северен тек“ не е променета, додаде портпаролот, цитиран од агенциите.
ЕК веќе изјави дека сите енергетски проекти во ЕУ, треба да одговорат на законодавството на заедницата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
