Тој е одговорен за безбедноста на една од најголемите ѕвезди на нашето време. Британската пејачка Адел има нов жежок телохранител, кој со совршениот изглед ја разбранува женската популација на социјалните мрежи.
Добро формираната вилица на холанѓанецот Питер ван дер Веен, избричената глава, неверојатните сини очи и неговиот незаборавен профил на мачо, фрлија во хистерија милиони жени во светот.
Ова сепак не е прв пат, во кој Ван Дер Веен е во центарот на вниманието. Неговите услуги веќе се користени од Лејди Гага и од Иги Азалија.
Освен тоа, се чини дека телохранителот е човек со многу таленти. Неговиот глас е користен во песна на Лејди Гага, освен тоа тој е бодибилдер и е носител на титулата „мистер на Европа“, освоена во 2005 година.
И како што резимираше еден корисник на „Твитер“: „Адел ги собори сите рекорди, откако продаде три милиони копии од новиот албум, 25 за помалку од една недела, но кога ќе се појави на јавно место голем дел од луѓето не ја гледаат неа, туку нејзиниот нов телохранител“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
