Американскиот претседател Барак Обама повика за намалување на тензиите меѓу Турција и Русија по соборувањето на рускиот воен авион Су-24 од страна на Турција.
Обама денеска во Париз се сретна со турскиот колега Реџеп Тајип Ердоган.
Американскиот претседател истакна дека Турција е сојузник во НАТО и има право да се заштити. Тој нагласи дека САД се заинтересирани за зајакнување на воените односи со Турција.
Обама потенцира дека групата Исламска држава (ИД) е заеднички непријател и побара од Турција и од Русија да се здружат против оваа закана.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
