Баба Ванѓа, најпозната струмичанка во светски рамки, а воедно и најпознатата пророчица е родена во Струмица, а нејзината куќа се наоѓа на денешната улица ,,5 Ноември” во Струмица.
Ванѓа со маж Димитар Гуштеров
Вангелија била родена 1911 година во семејството на Панде Сурчев и Параскева како нивно прво чедо. Нејзината мајка починала при раѓањето на второто дете, во 1914 година.
Пандо Сурчев е роден во Ново Село и таму живее до 1910 година.Пандо бил комита и веројатно по една од провалите на ВМРО бил затворен во Беас Куле во Солун. Лично ги познавал Делчев, Чернопеев, Сандански. По младотурската револуција 1908 година бил ослободен. Учествувавал и во Првата светска војна. Малку по завршувањето на Првата светска војна, околу 1919 година, нејзиниот татко Панде се оженил по втор пат, за Танка Георгиева, од која имал уште три деца Васил, Томе и Љубка. При раѓањето на четвртото дете, и Танка, втората сопруга, починала, во 1928 година. Панде Сурчев починал на 8 ноември 1940 година, а неговиот гроб се наоѓа на католичките гробишта во Струмица.
Најпознат од браќата на баба Ванѓа бил Васил Сурчев. Васил бил партизан. Бил затекнат во акција на минирање на мост и ликвидиран од фашистите. По ослободувањето неговите коски биле пренесени во денешната Спомен Костурница над Струмица, а една улица го носи неговото име.
Факт е дека Ванѓа е Македонка од нејзиното раѓање. Ванѓа е родена во 1911 година во Струмица (во пасошот е запишан датумот 3 октомври 1911, денот кога е евидентирано нејзиното раѓање). Познатата пророчица е родена под името Евангелија Сурчева, за време на вледеењето на Отоманската империја со Македонија. По нејзиниот татко Панде подоцна го добива презимето Пандева, скратено Ванѓа Пандева.
За време на Балканските војни и по Првата светска војна, во Струмица се менувале многу власти и вршеле асимилирање на населението. Најпрво Бугарија, каде Струмица припаѓа до 1919 година, а потоа Струмица влегува во кралството на СХС, па Грција и Југославија.
Но струмичани отсекогаш се сметале како дел од македонскиот етникум, па така и граѓаните се декларирале како Македонци. Таков е и случајот со Ванѓа, што може да се потврди од нејзиниот пасош.
Ванѓа до 1942 годна живее во Струмица, потоа се мажи за Димитар Гуштеров и се преселува во Петрич, по што го добива презимето Гуштерова. При издавањето на нејзиниот бугарски пасош јасно е наведено дека таа по националност е Македонка.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
