Фицо „Дојде време да ја исклучиме Грција од шенгенската зона“

Словачкиот премиер Роберт Фицо изјави дека треба да се почне да се разговара за тоа Грција да ја напушти шенгенската зона.

Како што пренесуваат грчките медиуми, Фицо ова го изјавил вчера пред словачки новинари во авионот на пат кон Брисел, каде што се одржа самитот ЕУ – Турција.

-Верувам дека дојде време да ја исклучиме Грција од шенгенската зона. Грција, едноставно, не ѝ припаѓа на шенгенската зона бидејќи не е способна да ги заштити шенгенските граници- рекол Фицо.

Словачкиот премиер додал дека „сите во Европа неформално се убедени дека Грција не припаѓа во Шенген“, што, според него, исклучувањето е „само прашање на време“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.