Иран активно учествува во конфликтот во Сирија, за што доказ е и тоа што од почетокот на минатиот месец во оваа блискоисточна земја загинале најмалку 67 ирански војници и воени офицери, тврди американски весник „Вашингтон Пост“, повикувајќи се на „ирански медиуми“.
Весникот наведува дека повеќе „официјални и полуофицијални ирански медиуми“ објавиле информации за загинување на ирански војници во Сирија и за нивните погреби.
Според „Вашингтон Пост“, во едно од изданијата дури е пренесена и изјава на врховниот ирански верски лидери, ајатолахот Али Хамнеи во врска со загинувањето на ирански генерал во Сирија. Објавувањето на (ваквите) информации… предизвика воодушевување меѓу аналитичарите, кои ги следат иранските медиуми, што се под строга државна контрола, наведува „Вашингтон Пост“. Весникот тврди дека ирански воени сили учествуваат во копнените операции на сириската армија против бунтовниците, кои започнаа по стартот на руските воздушни напади врз цели во Сирија. Според американски податоци, во борбите во Сирија учествуваат „меѓу неколку стотини и 2.000 илјади“ припадници на Вооружените сили на Ирак, наведува „Вашингтон пост“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
