Рускиот претседател Владимир Путин денеска потпиша указ за воведување „специјални економски мерки“ против Турција, со кои се предвидуваат серија санкции кон Анкара, јави ТАСС.
Со „специјалните економски мерки“, се воведува времена забрана за увоз не повеќе стоки од Турција во Русија и се забрануваат или ограничуваат активности на турски фирми и организации на руска тероторија.
Со мерките се превидува и укинување на безвизниот режим меѓу Русија и Турција од 1 јануари 2016 година, а од истиот датум на руските компании им се забранува да ангажираат турски работници.
На руските туроператори им се препорачува да се воздржат од нудење туристички аранжамани на руските граѓани во турските одморалишта, а се укинуваат и сите чартер летови меѓу Русија и Турција.
Воведувањто на овие мерки следи по соборувањето на рускиот авион од страна на турското Воено воздухопловство во вторникот, што доведе до драстично влошување на односите меѓу Москва и Анкара.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
