Путин бесен: Турците ни забија нож во грб

Турците ни забија нож во грб и овoј нивен потег може да се протолкува како соработка со исламистите, изјави денеска рускиот претседател Владимир Путин во неговото обраќање до јавноста по соборувањето на рускиот воен авион од страна на Турција.

-Авионот бил погоден од турски воен авион додека летал на еден километар од турската граница – рече Путин.Според него, авионот не претставувал никаква закана за турската национална безбедност. Путин рече дека рускиот авион нишанел терористички цели во сириската покраина Латакија, каде што се борат многу доброволци пристигнати од Русија.

-Русија го има забележано протекот на нафта од сириска територија под контрола на терористите кон Турција – рече Путин.

Очигледно, ИСИС не само што добива приходи од шверцот на нафта, туку добива и заштита од турската војска – рече рускиот претседател.

-Ова може да објасни и зошто терористичката група толку смело спроведува терористички акти низ целиот свет – додаде тој.

-Инцидентот ќе има огромни последици врз руските односи со Турција – предупреди Путин.

_Фактот дека Турција не се обиде да ја контактира Русија по инцидентот и потрча да свика состанок на НАТО е навистина загрижувачки – рече Путин. – Се чини дека Турција сака НАТО да им служи на интересите на ИСИС – рече рускиот претседател и додаде дека Русија ги почитува регионалните интереси на другите нации, но предупреди дека злосторствата извршени од Турција нема да поминат без одговор.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.