Европската фудбалска федерација (УЕФА), состави тим од играчи кои настапувале во Лигата на шампионите, како најава за изборот на најдобрите за 2015 година.
Сите фудбалери кои се во првите 11 секако го заслужија местото во тимот, но дискутабилно е што во идеалниот состав на фудбалери кои настапувале во Лигата на шампионите ги нема ѕвездите како Паоло Малдини или Хавиер Занети.
Секако зачудува и податокот што Зинедин Зидан, Роналдињо и Кака, поранешните најдобри играчи во светот не се во првиот состав туку се резерви.
На голот е Икер Касилјас, последната линија во одбраната ја сочинувааат Серхио Рамос, Алесандро Неста, Карлес Пујол и Филип Лам, во средината се Андрес Иниеста, Чави и Стивен Џерард, додека во нападот се Тиери Анри, Лионел Меси и Кристијано Роналдо.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
