Клинтон: Грешка ќе биде доколку САД забранат прифат на бегалци

Грешка ќе биде доколку САД забранат прифаќање бегалци од Блискиот исток, вклучително и од Сирија, изјави најсериозниот претседателски кандидат меѓу американските демократи, Хилари Клинтон, цитирана од ТАСС.

Според Клинтон, одбивањето да се прифатат бегалци, кои бараат спас од воените конфликти, може да испрати сигнал од кој корист ќе имаат терористите, кои се стремат да посеат раздор меѓу американските власти и муслиманската заедница.

– Не треба да го пренесуваме тој генерално негативен однос кон секој муслиман- повика поранешниот американски државен секретар.

Ваквиот чекор, освен тоа, ќе ги поткопа напорите на американските власти и претставници на законот да ги зацврстат врските со муслиманските заедници во земјата, забележа Клинтон.

Федералните власти, меѓутоа, сепак, должни се најдетално да ги проверуваат бегалците, кои се обидуваат да побараат азил во САД, подвлече таа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.