Српскиот тенисер Новак Ѓоковиќ е прв финалист на завршниот АТП Мастерс турнир во Лондон.
Ѓоковиќ во првиот полуфинален меч одигран попладнево во лондонската „О2“ арена во два сета го победи Шпанецот, Рафаел надал.
Најдобриот светски тенисер Ѓоковиќ, го доби мечот за 1 час и 20 минути игра со идентични 6:3 во двата сета.
Ова беше осма победа за Ѓоковиќ на последните девет соочувања со Шпанецот, а четврта последователна. Сега Србинот го израмни и резултатот во меѓусебните дуели со Надал, па сега двајцата имаат по 23 победи.
Кој ќе биде противник на Ѓоковиќ во финалето закажано за утре, ќе дознаеме вечерва, по одигрувањето на вториот полуфинален меч, кој ќе започне од 21 часот, а во кој ќе играат Швајцарците, Роже Федерер (3-носител) и Станислас Вавринка (4).
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
