Во новото издание на списанието „Дабик“, кое се издава на англиски јазик, се тврди дека авионот бил урнат со помош на импровизирана експлозивна направа скриена во конзерва со сок од ананас, „швепс голд“.
Во написот се вели дека нивните милитанти откриле начин како да ја загрозат безбедноста на аеродромот во Шарм ел Шеик, со цел да го урнат авионот „метроџет“ на 31 октомври.
Во списанието, чиишто пишувања не можат да бидат потврдени од независен извор, ИД тврди дека прво донеле одлука да се урне авионот што припаѓа на една нација од коалицијата предводена од САД во нападите против ИД, но потоа целта била сменета и било решено да биде урнат руски авион.
„Бомбата бeше прошверцувана во авионот“, се додава, не објаснувајќи точно како – и оставајќи импликација дека тоа би можело повторно да се изведе на ист начин.
Со наслов „Само терор“, на насловната страница е прикажана слика на една од жртвите од париските напади, на која ѝ помагаат службите за итна помош.
Во списанието уште се наведува дека групата Исламска држава ги убила двајцата заробеници од Кина и од Норвешка, откако пред два месеци побарала откуп за нивно ослободување. Покрај текстот, има и фотографија од телата на двајцата зраобеници.
Претходно ИД соопшти дека ги заробила Норвежанецот Оле Јохан Гримсгард-Офстад (48) и Кинезот Фан Жинху (50), не прецизирајќи ниту кога, ниту каде ги заробила.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
