По неуспехот во баражот против Шведска за пласман на Европското првенство, Мортен Олсен, селекторот на данската фудбалска репрезентација, поднесе оставка
Данска синоќа во Копенхаген одигра нерешено 2-2 и не избори учество на ЕУРО 2016 година по поразот од 2-1 на првиот дуел.
– Ги информирав играчите и раководството на сојузот дека тука завршувам со селекторската функција. Беше привилегија да се биде дел од националниот тим на сите овие 35 години, прво како фудбалер, а потоа и како тренер, рече легендарниот 66-годишен капитен и селектор на Данците.
Тој ги предводеше Данците на четири големи натпревари и беше селектор со најдолг стаж во Европа.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
