Даниел Крег предложи позната водителка да биде првиот женски Џемс Бонд (фото)

Со оглед дека е позната по тоа што носи костуми но и по добрата забава која им ја приредува на нејзините гости, можеби наскоро Елен ДеЏенерис ќе стане првиот женски агент 007.

Така барем мисли моменталниот Џемс Бонд, Даниел Крег кој на познатата водителка и актерки и додели комплимент на секогаш беспрекорниот стил и при тоа и  го подарил часовникот кој го носел во последното продолжение на филмот, вреден 7500 долари.

-Ти го донесов ова бидејќи ако навистина мислиш да се соживееше со улогата ќе ти треба еден ваков часовник- се пошегувал Крег и додал:„Сега имаш часовник, веќе носиш костуми и улогата е твоја што се однесува до мене“.

Актерот наводно добил 39 милиони долари за улогата на тајниот агент во последното продолжение „Спектра“, но се уште не познато дали ќе го гледаме и во следното.

-Ми одзема многу време и далеку сум од семејството. Само сакам на крајот на денот да бидам со нив. Така што за следниот проект воопшто и не размислувам – кажа првиот русокос Бонд.

Даниел од претходниот брак ја има 23 годишната ќерка Ела, а неговата сегашната сопруга, актерката Рејчел Вајс, го има синот Хенри од врската со режисерот Дарен Ароносфски.

Рејчел и Даниел со години биле пријатели, а врската ја започнале пред 5 години.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.