Демонстрации во Атина на годишнината од студентските протести

Околу 16.000 лица учествуваа во две демонстрации до амбасадата на САД во Атина по повод годишнината од студентските протести во 1973, задушени од воениот режим на Грција. Демонстрацијата се одржа под засилени мерки за безбедност со ангажирани над 5.000 полицајци.

Според податоците на полицијата, околу 7.000 лица тргнале од зградата на Атинскиот политехнички универзитет во централниот дел на Атина.

Осум илјади лица учествувале во одделни демонстрации, организирани од Грчката комунистичка партија. Тие тргнале од друг дел на престолнината, а крајна цел им била американската амбасада.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.