Оние кои се најдоа во центарот на случувањата за време на терористичките напади во Париз и успеаја истите да ги преживеат, денес раскажуваат што се случило. Неверојатно е искуството на еден Чилеанец кој присуствувал на концертот на „Eagles of Death Metal“.
Давид Фриц Готингер (23) се нашол на нишан кај еден од терористите, но успеал да се спаси бидејќи рекол дека не е Французин и дека верува во Бог.
-Беше страшно, како земјотрес, пукаа на сите страни, слушнав експлозии. Музиката застана. Отидов да разговарам со пријател и да го прашам што се случува и тогаш видов мртви луѓе, раскажува тој.
Кратко потоа му се доближил еден од терористите со намера да го убие, доколку не го слушне тоа што го сака.
-Ја впери пушката во мене и ме праша дали верувам во Бог и дали сум Французин. Ми реков дека сум Чилеанец и дека верувам во Бог, па ме пушти, раскажува Давид.
Во нападите во Париз животот го загубија 129 лица, додека повредени се 350 од кои 99 се во тешка состојба.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
