Зголемена работата на македонската градежна оператива во странство

Градежната оператива од Македонија во првите девет месеци од годинава во странство извршила градежни работи во вредност од 1.914.606.000 денари, што е за 102,6 проценти повеќе во споредба со истиот период лани.

Државниот завод за статистика денеска објави дека во периодот јануари-септември годинава вкупната вредност на договорените градежни работи во странство изнесува 3.286.333.000 денари, што е за 53,3 проценти помалку во споредба со истиот период од претходната година.

Во периодот јануари-септември е забележан зголемен обем на извршените градежни работи во Косово, Албанија, Италија, Србија, Хрватска, Босна и Херцеговина и Холандија, а на останатите пазари е регистриран намален обем. Како нови пазари се јавуваат Полска, Словенија и Грција.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.