Поетскиот караван на Друштвото на писателите на Македонија денеска, 13 ноември, гостува во Домот на културата во Гостивар.
Ќе настапат 21 автор од различни генерации. Љубителитена културата во Гостивар ќе имаат можност да се сретнат со поетите Глигор Стојковски, Раде Силјан, Ресул Шабани, Марина Мијаковска, Ефтим Клетников, Јусуф Едип, Веле Смилевски, Делвина Керлуку, Христо Петрески, Славица Дабевска Кировска, Адем Абдулаху, Љерка Тот Наумова, Александар Поповски, Паскал Гилевски, Филип Клетников, Шазим Мехмети, Мирјана Тренчева, Иван Чаповски, Љуљзим Хазири, Милош Линдро и Јован Дамјановски.
Годинашниот циклус на Поетскиот караван на ДПМ се одржува во рамките на проектот за дисперзија на културните настани во земјата. Поетите до сега гостуваа во Гевгелија, Крушево, Радовиш, Свети Николе, Куманово, Крива Паланка, Битола, Штип, Тетово, Македонски Брод, Демир Хисар, Лазарополе и општина Илинден, а учествуваа и на Фестивалот на детското литературно творештво „Ракатки“.
Поетскиот караван на ДПМ ќе заврши со традиционалната манифестација „Средба на генерации“, што е составен дел на Деновите на Блаже Конески, кои секоја година се одржуваат од 17 до 19 декември, во чест на големиот македонски поет, основоположник и прв претседател на македонската писателска асоцијација.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
