Турската полиција денеска приведе 11 осомничени џихадисти во голема операција против борци на Исламска држава во Истанбул, пренесоа британските медиуми, кои се повикуваат на агенцијата Анадолија.
Оваа масовна полициска операција е изведена со поддршка на хеликоптери.
Апсењата се изведени неколку дена пред средбата на врвот на Г-20 во летувалиштето Анталија, во јужна Турција, која ќе се одржи на 15 и 16 ноември.
Полицијата изврши претреси на над 20 адреси во различни квартови на Истанбул.
Меѓу приведените има седуммина странци.
Операцијата се уште е во тек. Се очекуваат уште апсења.
Минатата недела турската полиција во Анталија приведоа 20 лица, осомничени за врски со Исламска држава“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
