Жена одела по жица на висина од 840 метри во розови потпетици (фото)

Фејт Дики е зависна од адреналин. Таа извела многу опасна „точка“ одење по жица на висина од 840 метри и тоа во високи потпетици.

Оваа жена доаѓа од Остин во Тексас и не се плаши за својот живот. Таа успеала да ја помине жицата за време на Хајгрлс Бразил фестивалот. Страшната провалија се вика Педро де Гавеа во Рио де Жанеиро и една е од најпознатите провалии во таа земја.

Фејт ја пречекори жицата која се наоѓа на 840 метри над нивото на морето и тоа во розови потпетици. Како заштита имала само една сајла која би ја спасила во случај да падне.

-Се подготвував за ова одење по жица со класична метода – боса. Морав да ја проверам тензијата и уживав во лесното чекорење пред да решам да си ја отежнам целата работа носејќи високи потпетици. Ова беше моја прва „прошетка“ во Рио и погледот беше неверојатен. Навистина е спектакуларно да се биде над целиот град, плажата и над целата планина. Навистина ми го одземаше здивот- појаснила оваа храбра жена.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.