Штербик: Навивачите се што нѐ буткаат напред да победуваме

Моторот на тимот на РК Вардар, голманот Арпад Штербик, кој брани во одлична форма во „црвено-црниот“ клуб е импресиониран од начинот на кој неговите навивачи со фанатизам навиваат за клубот. Тој за блогот „be8player.com“ посветен на навивачите ширум светот, истакнува дека обожавателите на „црвено-црните“ се тие за кои вреди да се игра и да се „гине“ на теренот.

– Секој играч е среќен да игра пред публика каква што имаме ние во Вардар. Кога излегуваме на теренот пред натпреварот, пред полната сала, не е потребно претходно да се загреваме затоа што тие нѐ загреваат нас и веќе сме спремни за натпреварот. Нѐ мотивираат со нивната поддршка на секој меч. Навивачите се секогаш тука за нас и тоа навистина многу ни значи. Секако, постојат и тешки моменти на теренот, но обожавателите се тие што нѐ буткаат напред. Со нивната помош, ние ги надминуваме тешките ситуации и победуваме. Посакувам успешната соработка со нив да продолжи. Посакувам навивачите и понатаму да нѐ поддржуваат и да продолжат да нѐ мотивираат. Обожавателите го сакаат овој клуб и го сакаат овој тим, исто како и ние, и заедно можеме да се избориме за нови победи. Скопје и луѓето тука, заслужуваат добри резултати – изјави Арпад Штербик.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.