Од водите на Егејско Море, кај островот Лезбос, спасени над 400 мигранти

Од водите на Егејско Море, крај брегот на грчкиот остров Лезбос, грчките власти спасија неколку стотини мигранти, пренесоа американските медиуми.

Грчките погранични патроли и припадниците на Европската агенција за контрола на надворешните граници ФРОНТЕКС вчера од релативно мирното море, во седум одделни операции, спасиле 429 мигранти.

Грчките погранични патроли информираа и за најдено тело на удавено момче, на претпоставена возраст од две до три години. Тоа било најдено крај брегот на Лезбос, облечено и со портокалов појас за спасување, каков што вообичаено носат бегалците кои се обидуваат од Турција да се префрлат во Грција преку Егејско Море.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.