Комбинацијата од политички фактори, култури, религии, но и превенција за здравствената состојба на населението, доведе до забрана на следните работи во некои делови од светот.
Во Русија се забранети француските сирења
Како одговор на санкциите наметнати од западните земји во врска со украинската криза, во август 2014 година руските власти забранија увоз на одредена стока, меѓу која и француски сирења од Европската унија, САД и од другите западни земји.
Во Канада се забранети детските дубаци за проодување
За време на истражувањето направено од канадски научници во 2004 година, е утврдено дека детските дубаци не се корисни за децата. Поголемата подвижност на детето, може да предизвика најразлични повреди на главата, коските, може да дојде дури и до смртни случаи.
Во Иран се забранети кукли во излозите
Со растечкото влијание на Западот во 2009 година, Иран забрани да се ставаат кукли во излозите со извајани форми и особено ако не носат хиџаб.
Во Северна Кореја се забранети фармерките
Фармерки се сметаат за симбол на САД и поради оваа причина нивното носење се смета за нелегално.
Во САД се забранети чоколадните јајца „Киндер“
Во познатиот деликатес се крие детска играчка и од гледна точка на безбедност тие се забрануваат во САД. Се смета дека малите деца би можеле да ги голтнат.
Во Сингапур се забрануваат гумите за џвакање
Во Сингапур никогаш не било забрането да се џвака гума за џвакање, но поради нивното тешко отстранување од улиците, од 1992 година увозот и продажбата на гуми за џвакање е забранет.
Во Тајланд е забранет филмот „Ана и кралот“
Филмот е забранет поради тоа што во него се навредува тајландската монархија и не се претставува вистинската историја на земјата.
Во Саудиска Арабија се забранети маските
Во 2013 година, Саудиска Арабија забрани увозот и продажбата на маски со ликот на Гај Фокс, кој е протагонист во филмот „О за одмазда“. Денес законот важи за сите маски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
