Сведокот на одбраната во процесот на Ратко Младиќ во Меѓународниот трибунал за воени злосторства во Хаг, е пронајден вчера мртов во хотел во Хаг, соопшти Трибуналот.
Сведокот Душан Дуниќ требал да се јави вчера во судот, за да даде исказ. Телото му било откриено од вработен во хотелот, придружен од претставници на трибуналот. Тие веднаш повикале тим на брза помош, кој констатирал смрт.
Експертот по судска медицина Душан Дуниќ од Србија се јави во улога на сведок за неколку дела, разгледувани од Хашкиот трибунал.
Поранешниот воен командант на босанските српски сили Ратко Младиќ, кој 16 години се криеше од правосудството, беше уапсен во Србија на 26 мај 2011, а на 31 мај беше предаден на Хашкиот тибунал.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
